A Treshault Tresexcellent Trespuissant Tresmagnanime Et Invincible prince le grand
Empereur des montsurmans Sultan morat notre trescher Et perfaict amy
Treshault tresexcellent trespuissant tresmagnanime et invincible prince le Grand empereur des monts surmans Sultan Morat en qui tout honneur et vertu habonde nostre tres cher et parfaict amy. Nous avons recu ung extreme desplaisir ayant entendu le trepas du feu grand Empereur votre pere prince de tres heureuse et eternelle memoire tant pour Ia perte que nous avons faicte en luy d'un tres grand at perfaict amy comme nous en avons congneuz et experimentes les effects lors quil a este question de notre vocation a Ia couronne de Pologne. Que pour nous estre ceste triste nouvella arrivee peu de temps apres le trepas du feu Roy Charles derniar decedde notre tres char seigneur et frere aussy de tres haulte et louable memoire et lors que Ia douleur nous estoit encores fraiche et recente de cet accident. Tellement que quasi a mesme temps nous nous sommes trouvez prives de deux parsonnes qui nous estoient les plus cheres et ausquelles nous portions plus dobservance. Mais apres avoir considere que cestoyt chose deppendant de l'ordre de nature et de Ia volonte de ce grand dieu, nous conformant a icelle seulla veritablement bonne parfaicta coutume at accomplye nous nous sommas grandemant consolez at esjoys davoir entendu votre heureux advenement et favorable acception a ce tres grand tres puissant et invincible Empire qui est maintenant par la grace de dieu soubs votre tres prudente conduicte et direction pour la piete justice magnanimite clemence at autres vertuz heroiques qui reluisent et se racongnoiassent en votre haulesse. Aussy qua notre regne ayt este si heureux de commancer a mesme tamps que le votre. Esperant qua tous ainsi que votre haultesse et nous avons recuilly quasi en mesme aage et en mesme annee au deux grandes immuables couronnes de deux princes qui se sont durant leurs regnes mutuellement cheriz d'une perfaicte amytie et intelligence que la mesme amytie et correspondance demourara perpetuellement ferme et inviolable entre nous nos estatz at subjectz. De notre part meuz de la parfaicte et sincere volonte que nous y avons tousiours eu nous escrivons presentement a notre aime at feal conseiller en notre conseil prive le seigneur de Lisle notre ambassadeur resident a la porte de votre haultese de se conjoys avecq icelle de par nous de son dit heureux advenement et de Ia prosperite de ses affaires que nous prions dieu vouloir continuer de bien en mieux luy offrir et presenter de notredite part toute amytie bienveillance et autres bons offices qui se peuvent promectre at actendre d'un tres perfaict entier et singulier amy et tel que nous sommes asseurez que votredit haultesse se vouldra monstrer envers nous. Enquoy et autres choses dont nous avons charge notredit conseiller et ambassadeur Elle luy donnera s'il luy plaist benigne et favorable audience. Adioutant Ia mesme foy et creance a ce quil Iuy fera entendre comme elle feroit a notre propre personne. Et a tant treshault trespuissant tresmagnanime et invincible prince notre tres cher at perfaict amy nous prierons Dieu qu'il veuille augmenter votre grandeur a fin tresheureuze,
Escrit en notre maison royalle de Paris Ie XXVII eme jour d'Avril 1575.
Votre bon et parfaicte amy Henry